Helstu skipulagsverkefni í Reykjavík

Á þessari síðu er umfjöllun um nokkur af stærstu skipulagsverkefnum Reykjavíkurborgar sem munu hafa mikil áhrif á þróun borgarinnar á næstu árum.

Hverfisskipulag
Reykjavíkur

Hverfisskipulag er deiliskipulag fyrir gróin hverfi sem á að gera þau vistvænni og sjálfbærari og þróa byggðina í takt við breyttar áherslur í samfélaginu. Unnið verður hverfisskipulag fyrir öll hverfi borgarinnar.

Miklubrautarstokkur

Hér er hægt að skoða tillögur fimm þverfaglegra hópa um hvernig hægt er að útfæra uppbyggingu á og við vegstokk við Miklubraut. Tillögurnar eru afrakstur hugmyndaleitar sem Reykjavíkurborg auglýsti 2020.

– Miklubrautarstokkur kynningarvefur

Sæbrautarstokkur

Hér er hægt að skoða tillögur fimm þverfaglegra hópa um hvernig hægt er að útfæra uppbyggingu á og við vegstokk á Sæbraut við Vogahverfi. Tillögurnar eru afrakstur hugmyndaleitar sem Reykjavíkurborg auglýsti 2020.

– Sæbrautarstokkur kynningarvefur

Elliðaárvogur, Ártúnshöfði

Nýr borgarhluti í mótun

Áætlað er að í þessum nýja borgahluta sem nær yfir Ártúnshöfða og Elliðaárvog rísi allt að 8000 íbúðir. Í þeim skipulagsáföngum sem hér eru til kynningar er gert ráð fyrir 3500 íbúðum, tveimur grunnskólum og einum safnskóla í bland við atvinnustarfsemi á næstu árum. Hryggjarstykki uppbyggingarinnar er meðfram fyrirhugaðri Borgarlínu sem liggur í gegnum mitt skipulagssvæðið. 

– Höfðinn kynningarvefur

Skipulagssjá

Í Skipulagssjá Reykjavíkurborgar má nálgast samþykkt deiliskipulag og aðalskipulag fyrir borgina. Þjónustan er öllum opin og gjaldfrjáls.

Borgarvefsjá

Borgarvefsjá er gjaldfrjáls vefþjónusta sem veitir notendum aðgang að ýmsum landfræðilegum upplýsingum um Reykjavík og nágrenni.

Hverfasjá

Í Hverfasjá má nálgast öll skipulagsgögn hverfisskipulags.